A bella de Torriggia, con sento galanti a l'e morta figgia, A bellezza no fa buggî a pugnatta, A biscia a l'addenta u ciarlattan, A bon intenditô, poche parolle, A bonn-a serva no manca padronn-a, A botte a da do vin ch'a l'ha, A boxia a l'ha e gambe curte, A can vêgio no se ghe dixe: a cuccio, A castagna a l'ha a cua, chi a tocca a l'e a sua, A cavallo giastemmou ghe luxe u pei, A cavallo regallou no s'ammia in bocca, A chi conta e pegue u lû ghe e mangia, A chi ha famme u pan u pâa lazagne, A chi ha pan no manca can, A chi me da do pan ghe diggo puæ, A consolazion di dannæ a l'è d'ese tanti in compagnja, A croxe cô u pan a se pæu supportâ, A fainn-a du diâ-u a diventa brenno, A fûga di Zeneixi a dûa trei giorni, A grazia a confonde a bellezza, A l'erboo zembo tutti se gh'attaccan, A lingua a batte dove u dente dœue, A miscion con a galêa, lascia l'ommo comme u l'êa, A morte no perdonn-a a nisciun, A muæ pietosa fa a figgia tignosa, A muggê di atri a pâ sempre ciù bella che a so, A muî e a pagâ ghe sempre tempo, A necescitæ a non ha lezze, A nœutte a l'e a muæ di pensamenti, A ogni oxello u so nio l'è bello, A ognun ghe pâ belli i so, A panza pinn-a se discôre mêgio, A pessa e u pontetto, manten u ricco e u poveretto, A poco per votta s'e fæto Zêna, A primma a se perdonn-a, a seconda a se bastonn-a, A primma tempesta a l'e quella da man, A primma votta a se fa anche a so puæ, A recheita a l'e pêzo da malattia, A rôba a l'e de chi se a gode, A rôba du commun, l'e rôba de nisciun, A rôba vêgia a risparmia a bonn-a, A salute no ghe dinnæ da poila pagâ, A San Martin, metti man a-u bottixin, A San Micchê, a castagna pe u sentè, A San Micchê, a merenda a va in sê, A San Micchê, e strasse san d'ammê, A San Micchê, i oxellee son in pè, A Sant'Andria, u freido sciappa a pria, A scienza a ven da-a montagna, A so ua a ven pe tutti, A stæ di Santi, se a no ven doppo a ven avanti, A testa a l'e a mêgio da bestia, A tutto ghe rimedio fœua che a-a morte, A un bello fusto ghe sta ben tutto, A unn-a donna ben majâ, sciuga presto a so bugâ, A veitæ a l'e unn-a sola, A veitæ a ven sempre e galla, A vorpe a perde u peì ma non u vizio, A zoventù a l'e a bellezza de l'âze, A-a barba cannua, fantinetta ghe sta dúa, A-a biscia viva no manca tann-a, A-a Madonna da Candelora, de l'inverno ne semmo fora; ma a ciœve, e a nevâ, quaranta giorni han ancon da passâ, Adaxo barbé che l' ægua a scotta, Ægua cada e serveziâ, se guarisce da ogni mâ, Ægua che cure no porta veleno, Ægua e fœugo, presto se fan lœugo, Ægua mennûa a l'inganna u villan, pâ che no ciœuve e a ghe bagna o cabban, Ægua queta derrûa i ponti, Aggiutta i tœu e i âtri se ti pœu, Ai Santi, merda in bocca ai oxellanti, Ai Santi se veste i fanti, a San Martin i grendi e i piccin, Ai Santi vêgi no se gh'assende ciù candeje, Aja de fissûa, aja de seportûa, Aja rossa, o che ciœve o che buffa, Ambasciatò no porta' penn-a, Amixi scì, ma tabacco nò, Ammortou u lumme, tutte e donne son uguali, Amô de zoventù fœugo de paggia, Anchrœu a mi, doman a ti, Anchrœu in figua, doman in seportua, Arvî u l'ha trenta, se ciuvesse trentun, no ghe saiva mâ nisciun, Ata o bassa, d'arvî l'e Pasqua, Au ciæu da candeia u cannevasso pâ teia, A-u mondo no ghe n'e un dio de netto, A-u primmo d'arvî, unn-a burla a se pœu dî, Avardite da-i ægue cuæ…
Bandêa vêgia onô de capitannio, Baxia e spassa, ninte attacca, Baxio de bocca u cœu no tocca, Beata quella cà, che de vêgio a ne sà, Beati i urtimi, se i primmi han discrezion, Bella botta no ammazza oxello, Bella vigna poca ûga, Bello in fascia, brutto in ciassa, brutto in fascia, bello in ciassa, Ben fæto pe forza no vâ unn-a scorza, Bezeugna batte u ciodo finn-a che n l'e câdo, Bezeugna dâ unn-a botta a-u sercio, e l'altra a-a botte, Bezeugna fâ de necescitæ, virtù, Bezeugna fa u passo secondo e gambe, Bezeugna mangiâ pe vive, no vive pe mangiâ, Bezeugna navegâ secondo u vento, Bezeugna peâ a quagia senza fâla criâ, Bezeugna piggiâ a balla a-u botto, Bezeugna piggiâne de câde e de freide, Bezeugna portâ rispetto a-u can pe u padron…
